Daw chna ya ka thawpaitke ha Syntu Ksiar

Jowai : Ka Jaiñtia Fishing & Environment Protection Association kawi na ki seiñ kreh monsñiawbha yow yada ya ki um ki wah wa ya ka Rymaw da thooh ko boon ki luti wow poi cha ka thong yong ka.

Ha kani ka kynti katkam ka khubor wa da yoh na ki dkhot ka seiñ da ong wa daw chna ya ka thaw paitke næ ka Viewpoint ha Kroh Syntu Ksiar ha neiñ ka Dam ka Soil & Water Conservation.

Kani ka thaw paitke man ko kawa jrong kam 20 phut tam wei u kmai ko kamwa 10 x 10 phut. Iwa rap kyrpang toh wa hakhlieh kani ka thawpaitke daw booh ya ka slep wa tam (Cantilever) i wow poi hadooh jrong ka um.

Related posts

Wow e ngooh ya ki Soo Dwar wa ka Tawiar ka Takan, pyndep ka Raij Jowai ya ka Kñia Khang

June 7, 2026

Pyndep ka Raij Jowai ya ka Kbai Mooknor wow e ngooh ya ki Soo Dwar Soo Luti

June 6, 2026

Hei yaklam u Wyrta wa u President ka seiñ u ma L. Paswet da ong u wa i thmu yong kani ka thawpaitke toh u elad ya ki paidbah u pait ki ya ki dakha ha kani ka wah, wei wow sñiawthooh ki paidbah yei emkaam u yada ya ki um ki wah wa ki dakha wa ki mrad wa im ha ka wei wa dang thmu u pynkylla Fish Sanctuary noh ya kani ka bynta ka wah Myntdu.

Ya kani ka thaw daw chna hei yoh yarap poisa na ka tnat Fisheries yong ka jylla weiwa i lut ha ka daw kynjoh i palat T. 7 lak.