I mih ki soo ngut ki MDC na ka PDF, ym ktah i ya ka party: Hamletson Dohling

Shillong: Uwa yahkhmat ka Peoples’ Democratic Front (PDF) uwa man leh u Montri ha ka sorkar jylla, u Hamletson Dohling da ong u wa ka party ym pyrchah ko namo wow ksoh yabor ya ki soo ngut ki soo ngut ki MDC kiwa da mih na ka party neibhah wa man ko kawa laitlooid.

Hawa yaklam wa u Hamlet ynne ka sngi da e khublei wei da kitbok u leh ya kini ki soo ngut wow lai ki chakhmat ha i chakri paidbah hanlada da mih noh ki na ka party.

Heiyatoh wa i daw wa ki soo ngut ki MDC da mih ki na ka seiñ da ong ki toh neidaw wa ka party pyn yohnong ko samen chwa ka election MLA 2018 wei khlem leh yei kaam wa kular ko hanlada man u Hamlet man u kam u Montri ha ka sorkar, neiliang u Hamlet da ong u wa ka sorkar MDA wa emlang ka PDF dang ynñiaw bnai wei kam ki montri ka sorkar ym kwah ki wow klam chaphang i tia pood ka Meghalaya Urban Development Authority (MUDA) wa kiwi ki phang wa ktah ya ka jaitbru.

“Ki soo ngut toh kiwa em bynta hei wow seiñ ya ka party, lada ong ki wa toh wow myntoi samen chong i hei bor sñiawthooh samen yong ki, tangwa i won kiwa psiah hadien wan kreh ki neibynta ka jaitbru,” da ong u.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Hajrong i daw wa ka sub-committee ym leh ko iwon iwon ya kiwi ki MDC kiwa lai kyrchaan ya ka Khasi Hills Democratic Alliance (KHDA) ha KHADC, tangwa da beh seiñ chipor du ya ki le ngut kiwa lai kyrchaan chwa, neiliang u Hamlet da ong u wa ka party ym kwah ko wow leh jhan wow beh seiñ ya ki.

Haba jubab yeiwa kylli, lada daw ktah ko ya ka party ha ka election MDC wow wan da i mih ki soo ngut ki MDC, u Hamlet da ong u wa ym ktah ko ha iwon iwon i dur ya ka party.