Da u khoo yarap ka HPF ya ka yung ri khonswet

Jowai: Ka seiñ HPF Jaiñtia Hills District da e yarap ko da u khoo ya ki khonswet kiwa hapoh i pait ka KJP Synod Children Home Wahiajer.

Ha kani ka sngi da emlang leh u President W. Chyrmang wa u General Secretary u Teibor Rynthathiang, ka HPF Jaiñtia Hills deilang wa kiwa pynlai ya kani ka Children’s Home Wahiajer, nadooh ki Counsellor wa kiwa kreh.

Neiliang ka seiñ da e ko i kyrkhu kyrdoh ya kiwa pynlai ya kani ka Children’s Home wow nang lai ki chakhmat ha ki kaam wa bha yong ki wei da e khublei wa kyrpang ya u Pastor Pala uwa pait ya kani ka Children’s Home wa u Blai u emlang u wa oo.