Jowai: Ka District Legal Service Authority, West Jaiñtia Hills ha ka 25 tarik uni u bnai da pynman ko ya ka yalang pynsñiawthooh paidbah hajrong ki aiñ kamjooh i yarap wa ye u yoh na ki muktiar ha ka yalang wa pynman ha Mukhla Raij Higher Secondary School, West Jaiñtia Hills.
Ka thong yong kani ka pynsñiawthooh paidbah da khana da u D. Marbaniang, Secretary ka District Legal Service Authority uwa da kyntu u ya ki khynnah wa kiwa sikai wow tip ki yei hok yong ki.
Da pyntip u leh wa ki Legal Aid Counsels (LAC) wa ki Para Legal Volunteers (PLV) em ki i kaamram wa khroo neibynta ka imlang sahlang hadooh wow e yarap mynkna.
Neiliang u muktiar ka Legal Aid, u M. Pyrthuh wa u D. Lamare wa u J. Myrmen da klam ki hajrong ki PLV kiwa wan wow e yarap ya ki paidbah ha ki mukotduma.
Ya kani ka sngi da e ya ki ktien pdiang burom na u Francis Lyngdoh, wa ki kyntien e khublei na ka Principal of Mukhla Raij Higher Secondary School ka H. Pde.
Discussion about this post