Shillong: Ha uni u snem ka Young Leaders Connect (YLC) kawa ar sngi da pynman ya ka ha Shillong hajrong ka phang “Made in Northeast” heiwa da wan wai ya ka da u montri rangbah u Conrad Sangma uwa da ong wa emkaam ka yakrehlang waroh yow ye u pynku ya ka thaaiñ mihsngi ka ri ha ka roi ka paar.
“Hanlada wan i na ki chnong ki thaw waphær waphær, lada kwah i wow pyndooh ya waroh i eh khoo wa chem i emkaam i u man kiwa ya tylli u ya krehlang.” da ong u Conrad.
Da ong u wa i seiñ khih ki khynroo pyn da ki ya ki hi kiwa boonjait man ko kawa emkaam dooh wow pynku ya ka thaaiñ mihsngi wei da khana ya kiwa boon ki laad yarap waka sorkar da sdang ko wow leh wow pynchlur ya ini waroh.
Da klam u leh chaphang iwa dang dep wan u na France wow lai pait ya ka Salon International de I’Agroalimentaire (SIAL) ka pynyoo rong ya ki jait baam wa ki rukom song baam wa heh dooh hapoh pyrthai wei da chem u waka thaaiñ mihsngi em ko boon ki jait baam wa ye ko leh u song wow dai wei ye ko u man ka jait karkhana wa heh bha.
Da pynchlur u leh wow sai ya ki buit wa thymme kiwa yatoh wa i rukom im ki jaitbru ka thaaiñ kawa katni yow man ki kiwa phær na kiwi.
U Naveen Verma, Secretary Ministry of DONER, da klam u chaphang i krehlang waroh ki jylla yow sariem kawi kawi yow suk u seiñ khih yow smat u poi cha ka thong deiwa e nongmuna u ya ka kaam uiñke suwari kawa ye u pyntip pyrthai ya ka thaaiñ mihsngi kam kawi donhi ymtoh kawa boonjait.
Ya ki ktien waiphang da yoh na u Bhaichung Bhutia wei kiwi kiwa klam ha kani ka sngi nyngkong toh ka Hekani Jakhalu, Chair YLC, Governing Council, YouthNet wa u Larsing Ming Sawyan, Managing Director, Centre Point Group of Enterprise.
Discussion about this post