Jowai : Ha kini ki sngi da mih boon ki ujor na ki chnong wa boon neidaw wa da sdang ki truck u lai na ki surok pohchnong iwa da pynwit wei da pynsih ya kini ki surok, neilaing u DC ka West Jaintia Hills da pynmih da ka hukum wei da mana wym hoi de u lai ki truck na kini ki surok;
(1) Pasyih -Mynso- Mookynshnian (2) Shangpung – Sutnga (3) Raliang – Sahsniang (4) Laskein – Barato (5) Pasyih – Garampani (6) Jowai – Nartiang – Kdiap – Khanduli (7) Nartiang – Nongpoh (8) Ummulong – Tyrshang-Bamkamar (UTB Road) (9) Lad Mukhla-Nongbah-Kyndong Tuber (LNKT Road).
Da yoh leh i yutip na u Executive Engineer PWD (Rds) North Jowai Division wa na u Executive Engineer PWD (Rds) Jowai Central Division, wa em leh ki truk wa kit palat yeiwa da booh da ka aiñ. Neiliang ka Office u DC ka WJH da booh ko ya ki kyndon wa mana wa ki truck wym hoi de u lai ki na kini ki surok wada dep kdaw hanein.
Kani ka hukum u krehkaam ko nadooh ka 3 tarik hadooh wada pynbna won deiwi.
Discussion about this post