Jowai: Ynnin ka sngi da pynkut noh ya ka lympung yalehke 1st Thomlin War Football Tournament 2018 wa pynman da ka Seiñraij Niamtre Ummulong (SRU) heiwa da pynman ya ka yalehke Final hapyrdi ka Jingiaseng Samla Presbyterian Ummulong (JSPU) pyrchah ya ka Kitbhah Wanjop FC.
Chwa wow sdang da em ka yalang pynkut kawa da pynlai da u M. Passah uwa man u President ka SRU heiwa u montri ka sorkar jylla uwa man leh u MLA ka thaaiñ, u Sniawbhalang Dhar da man u kam u kongsan wei u MLA ka Jowai u Wailadmiki Shylla da man u kam u symbood kongsan.
Ha kani ka yalang da yoh yei klam na u S.S. Langi, u General Secretary ka SRU u E. Rymbai, u kñi na ka Kur War u B. War, u Waheh Chnong ka Ummulong u L. Laloo Laloo wei da pynkut ya ka da ki kyntien e khublei na u of thank B. Siangshai.
Ha ka yalehke final ka Kitbhah Wanjop FC da man ko kawa jop da 1-0 heiwa da yoh ko ya ka song poisa wa T. 1 lak katwa ka JSPU da yoh ko ya ka song poisa wa T. 30,000.
Ha kani ka yalehke da yoh yei naam Man of The Match da u Bantei Shylla katwa u Forlik Dkhar won da yoh u yei naam Best Goalkeeper.
Discussion about this post