Jowai: Ka Lion Mission Compound Dorbar Chnong da pynmih ko ya i maham neibynta ka chongsuk chongsaiñ hapoh ka chnong wei da maham wa ymhoi u leh ya kini ki kaam hawah:
- Ym chah wow yieñke/chongke ha ki thaw wa ki luti sungkieñ wa langam wa kiwa doom.
- Ym chah wow klamsih klamsang u awri awra wei wow klam ya ki ktien khlemakor.
- Kiwa yah kari ymtoh u e horn kulmar wei wow pynheh sur hapoh kari.
- Ym chah wow pynyieñ kari wow chongke, u leh khlemakor, dih kiad næ wow dih kiwon kiwon ki jait pynmuaid.
- Ym chah wow booh kari hadooh wow che step khlem da yohbor naka Dorbar Chnong.
Lada chem ya kiwon kiwon kiwa leh pyrchah, ka Dorbar Chnong daw pynchitom ko da iwa eh katkam ka aiñ wa da booh.
Ini toh katkam wa pyntip u Waheh Chnong ka Lion Mission Compound Dorbar Chnong, Jowai.
Discussion about this post