Shillong: Heiyatoh wa i pynbaad wa ka sorkar da kyrriah kreh khiar ko ya ki sahep, neiliang u Prestone Tynsong da ong u wa ini i klam u Mukul yei jooh chi i jooh pynyoo i wa kwah u wow yarap da ya ki kattu katni ki sahep wa yajan wa oo.
Da ong u wa lada tieñ u ya chah ktah ki sahep wa yajan wa oo, da ye u wow kyrpaad ya oo (Prestone) næ u Conrad wow pynlait ya kitu ki sahep, wei da pynrap u wa ka sorkar da dep klam che ko wa i kyrriah kreh ya ki sahep man i kamwa da leh ha ki por wa dadep.
Da ong chooh chooh u wa u Dr. Mukul da chong u ha ka chuki hadooh 8 snem wei tip bha u yei kaam wei i klam u yei jooh bait ym yahaap i.
U Prestone da kyntait leh yei pynbaad wa ka sorkar pynchlur ya i tih mooyong tooh, da ong u wa ym em i tih mooyong tooh ha jylla nadooh wa khang ka NGT.
Discussion about this post