Jowai: Ka Mock Drill Exercise namo i esikai wow pynkhreh hawa khih u khmi da pynman ya ka da ka District Disaster Management Authority (DDMA) West Jaiñtia Hills.
Kani ka Mock Drill Exercise da sdang ko ynne nadooh 11:00 waje i step deiwa pynkieh ya ka siren wow pyndur wa da khih u khmi wei da pynbood deiwa ki khynnah ka Government Boys Higher Secondary School wa Government Higher Secondary School, da rieh ki hapoh miej wei da kbai ki ya ki kyntien paan yarap.
Hadien ini ka dhab Search and Rescue Team na ka Civil Defences and Home Guard, Fire & Emergency Service, wa na ka chnat i chait i khiah da poi ki ha kani ka thaw wow pynlait ya kiwa chah ktah kam wa chah ban chah tymmoh hapoh yung wow pynlait wei wow e dawai First Aid ya ki katwa ya kiwa mynsoo joor da pynkit cha thaw sumaar wa jan dooh.
Hadooh 12:00 waje chiteiñ sngi da em 15 ngut kiwa takha malum malæ, 9 ngut wa mynsoo joor, wei 28 ngut kiwa da khlaad wei heipor 1:30 i sngi da ku kiwa mynsoo cha ka 38 ngut wei da khlaad leh sa le ngut.
Ki khynnah ka Government Boys wa Government Girls Higher Secondary School chirup wa ki sahep na ki chnat waphær waphær da chimbynta ki ha kani ka mock drill.
Ka thong kani ka Exercise toh wow pynche pynsñiawthooh yei kaamram yong waroh hawa jia wa khih u khmi wa joor.
Discussion about this post