Jowai: Ka East Jaiñtia National Council (EJNC) – Central Executive Council, da pynsniaw ko yei sniawkhia wa khroo hajrong i klam u Dr. Mukul Sangma, pyrchah ya u Cherishterfield Thangkiew, General Secretary warim yong ka HNLC.
Ka seiñ da ong ko wa i ong yong u Dr. Mukul wa ka sorkar MDA ym toh wow maap ya ki kaam wa da dep yong u Cherishterfield kam u G.S. yong ka seiñ kieñ suloi heithaw wow kmen yei wan chongngiah u, wei lada kyruiñ ya i klam yong ki kattu katni ngut ki MLA ka Congress, ka EJNC da sniaw ko wow ong wa kam kini ki klam man ko pyrchah yaka imlang sahlang kawa angnood wow yoh ya i suk, neibhah ini i rukom klam daw pyn artatien ko ya kitu kiwa dang mut wow wan uiñ cha ka luti i suk deiwa laitlooid
I man pyrchah yong u Dr. Mukul ya i chong suk da sakhi ha kitu ki por wa dang man u kam u montri rangbah yong ka jylla nadooh i mih umsnam hapoh ri-loom Garo, i chah pyndooh bor yong ki waheh chnong, i chah siat yong ki 2 ngut ha Mookhep wa kiwi kiwi.
Ha i jooh i por ka seiñ da pynsniaw ko yei sniawkmen yeiwa ka sorkar jylla ka MDA da pdiang burom ko ya i wan uiñ biang u Cherishterfield deiwa ong ym yoh i wow yoo yei kylla lada ym ye i wow maap ya iwa da dep, kamtæ ka seiñ kyntu ko ya ka sorkar jylla wow maap noh ya i wa da dep khnang wa kiwi leh u chlur ki wow wan cha ka luti wa yasuk.
Ini toh katkam ka khubor na u Sambormi Lyngdoh President EJNC – CEC.
Discussion about this post