Jowai: Ka Meghalaya Bharat Scouts & Guides (MBS&G) West Jaiñtia Hills District Association, ynne ka sngi da lehwarom ko ya ka sngi wa seiñ ya ka namo kawa tip leh kam ka 68th Foundation Day ha yung krehkaam District Headquarter yong ka kawa em ha Iawmusiang, Jowai.
Ya kani ka lehwarom da pynlai da u Jt. District Secretary heiwa da e u ya ki kyntien lamphang, heiwa da pyntip u wa ha ka 7 Khonchonglad 1950 da sdang ya ka Bharat Scouts and Guides wow man ko ka seiñ ka wow kreh monsñiawbha khlem em yatoh wa kawon kawon ka kaam saiñ hima wei man la u snem da lehwarom ya kani ka sngi kam ka Foundation Day wei da tip leh ya ka kam ka Bharat Scouts and Guides Flag Day.
Da yoh leh yei klam na u Organising Commissioner (S) u Elvis Dkhar uwa da ong wa da toh i por wow pynkylla yei rukom kreh katkam wa yah ka juk wa katni katkam wa thrang wa angnood ka imlang sahlang. Da kyntu u leh ya waroh wow man ki kiwa kreh wow pynneh pynsah ya ka rymaw, u e chakri ya ki paidbah wa kiwi kiwi.
Neiliang ka Organising Commissioner (G) ka Siami Shylla da kyntu ko ya waroh wow man ki wow kreh ym du kat wow pyndep ya ki kaam tangwa wow man ki leh kam ki nongmuna ya kiwi tawon wow bood ki. Chooh chooh da kyntu ko ya kiwa yahkhmat ki Unit wow kynmoo ki dei langær wow pynwandur ya i rukom im ki kam ki Scout and Guide ha ka imlang sahlang.
Chooh chooh da yoh yei klam na ki Rovers and Rangers heiwa da yoh yei klam na ka Pinky Hinge kawa da ong wa kwah ko yei kyrchaan na waroh kiwa yahkhmat namo ki Seniors ym du, na District tangwa wot na ka State hi khnang wow man ki (Rovers & Rangers) kiwa chemphang ha ki kaam wa leh ki.
Ha kani ka sngi da kam wow leh warom ya ka, da pdiang burom leh ya u Head Chyrmang uwa lai skur ha KJP Synod Mihngi SS, Jowai uwa da e i klam neiyi i daw wa kwah u wow man dkhot hapoh kani ka Association.
Kamwa jooh leh khlieh snem chwa wow sdang kani ka lehwarom da em ka Prayer Song wa ka Flag Song wa kiwi kiwi yow pynphooh ya kani ka sngi.
Discussion about this post