Jowai: Ka AJYWO-Central Body, hadien wym hun ko yei jubab RTI ka JHADC heiyatoh wa ki Trading License hapoh Jaiñtia Hills katkam ka RTI, u Reachingson Siangshai uwa man u Vice President ka seiñ da ong u neidaw wymhun yei jubab, ka seiñ da booh biang ko da ka RTI wow chem yeiwa sakhiat.
“Lada pait katni hapoh Jaiñtia Hills, em da ki hajar hajar tylli ngut ki baar jylla wa khayi pateiñ (business), tangwa phylla won wow yoo du 2785 tylli kiwa em Trading Licence wei na kini em du 321 tylli kiwa krehkaam (valid). Cheiwon won wiar ki hajar tylli? Neiyi i daw wym wan pynthymme (renew) ki? Neiyi i daw na kiwa boon bynta ha Jaiñtia Hills wa leh business ki baar jylla ym em Trading License lut ki?,” da kylli ka seiñ.
Lada waroh ki dukan baar jylla em Trading License ki neiyi i daw won wym pynyoo ki ya ki katkam ki kyndon ka JHADC? Neiyi i daw wa murieh ki ka? Ileh wym em Trading License ki namo ym em pynthymme (renew) ki ka?
Ka seiñ da suba ko wa em iyi iyi ha lyndet yong ini waroh.
Heiyatoh wa em du 321 tylli ki Valid Trading License, ka seiñ da kylli ko cheiwon em ka JHADC? Cheiwon ki MDC wiar ki? Cheiwon em kiwa kreh ka JHADC kiwa toh u pait ya ka Trading License? Cheiwon ka “The Jaiñtia Hills Autonomous District (Trading By Non-Tribal) Regulation (Act) 2011 wiar ko? Cheiwon ka “The Jaiñtia Hills Autonomous District (Trading By Non-Tribal) Rules, 2015” ?
Hajrong ini ka seiñ da dawa ko na ka JHADC wow yaklam bha hajrong kani ka phang Trading License ha kani ka ka Dorbar Tlang yong ka.
Ka seiñ da ong ko leh wym chong kli kti ko wei daw booddien ko yeini i kaam waroh.
Discussion about this post