Pteiñ i chah kem ki truck kit moyong ha kylleiñ ka jylla

Jowai: Katkam wa pyntip ki pulit, ha ka 7 tarik uni u bnai da yoh kem ya kawi ka truck na Mawlai Nongkwar, Shillong kawa em ya u number ML-10L-0878 heipor wa dang kit mooyong tooh ko pyrchah ya ka hukum NGT.

Ha kani ka jooh ka sngi da kem sa le tylli ki truck kiwa kit mooyong wa em ya u number AS-01HC-7335, NL-02N-4848 wa NL-02L-0834 ha Mawlai Mawiong, Shillong.

Ha ka 4 tarik uni u bnai won heipor 2:00 waje i step ki pulit ka West Khasi Hills da chem ki ya ki ar tylli ki truck wa em ya u number ML-06-2271 wa ML-07J-3698 wa yah da u Edibros Kharbani wa u Albester Kharbani kiwa kit mooyong wei da kem leh ya kini ki ar ngut ki bru.

Ha ka 3 tarik uni u bnai won ki pulit ka West Khasi Hills da chem biang ki ya ar tylli ki truck wa em ya u number ML-05R-8288 wa ML-05R-3183 wa yah da u Jerimaia Kharkongor (26 snem) wa u Rajesh Dkhar (25 snem) kiwa kit mooyong wei da kem ya ki waroh ar ngut.

Related posts

Mynsoo ki le ngut hei chah dung wei chah pam da ka wait ha ki le tylli ki chnong ka West Jaiñtia Hills

July 2, 2025

Yoh kem ki pulit ka East Jaiñtia Hills yei Heroin wa khia 160.36 grams

July 2, 2025