Jowai: Hadien wa ka seiñ AJSU-Jowai Circle da yoh ujor ko na kiwa yang bru wa kjut ha Jowai Civil Hospital Ialong, West Jaiñtia Hills District wa ym biang ki paikhana ha kani ka thaw sumaar, neiliang ka seiñ da chem sakhiat ko wa boon na ki paikhana paidbah man ki kiwa khang wei ki paidbah da hap ki wow lai cha rood cha kiar.
Ka seiñ da yachem ko wa ki kattu katni kiwa kreh kani ka thaw sumaar kiwa da pyntip wa neidaw wa ym biang um da haap khang noh ya ki. Kamtæ ka seiñ da ong ko wa yeini wa chem chitom ki paidbah kiwa wan thooh dawai, kiwa booh wa kjut kamjooh kiwa yang wa kjut da dawa ko ya ka Superintendent ka Jowai Civil Hospital Ialong wow chimkhia ko yeini khnang wow lait ki bru u lai pyndep yei kaam yong ki cha rood kani ka thaw sumaar kawa pynsih kamjooh kawa ktah yei chait i khiah ki bru ha kani ka thaw.
Heijooh i por neiliang ka seiñ da dawa ko leh naka Superintendent wow booh leh ya ki bru wow pynkhooid ya ki paikhana wa em cha rood kani kani thaw sumaar.
Discussion about this post