Chah ujor pyrchah u heh ka NEIPF wa dawa poisa deiwa pynemkaam da ka pistol

Jowai: Katkam wa pyntip ki pulit da ong wa ha ka 5 tarik uni u bnai ka seiñ Jaiñtia Hills Truck Owners Association da ujor ko ha ki pulit ka Khliehriat Police Station pyrchah ya u Marshal Biam uwa da kam wa man u u President ka North East Indigenous People’s Federation (NEIPF)

Da ong wa heipor 8:30 i miet ka 5 tarik uni u bnai u Marshal da pynsangeh u ya ki kattu katni ki truck ha Kongong wa kit khyndawbilat wei da dawa poisa u T. 3000 na kiwa yah truck wei da sai u leh ya ka pistol wei da siat u chi kuli cha suiñ yow pyntieñ ya ki.

Kamtæ ki pulit da pynngat ki ya oo hapoh ka kyndon aiñ 341/384/506 IPC R/w sec. 25 (1B) (a) / 27 (1) Arms Act.