Shillong: Ynne ka sngi ha Shillong da pynman ya ka yalang paidbah namo ka Protest Rally ha Shillong yow beiñ ya kiwa thmu wow tynyap ya ka Agnes Kharshiing wa kawa krehlang wa ka ka Anita Sangma wei da mih ka dawa wow pynman ya ka takit wa laitlooid namo ka Independent Inquiry ya ini wa jia.
Ha kani ka Rally da beiñ leh ya iwa jia kam kini ki kaam mihumsnam wei da dawa wow yada yei hok ka rymaw kamjooh ki bru wei ya kani ka Protest Rally da pynman ha Additional Secretariat Parking Lot.
U montri ka kaam pohyung warim ka jylla u Robert G Lyngdoh da ong u ini wa jia ya ka Agnes pynyoo i wa em chooh palat yeiwa da tip heiyatoh wa kai tih mooyong wei da kyntu u ya ka sorkar jylla wow takit yow chemdien yeiwa emkti ki pulit wa kiwa khih mooyong wei wow pynchitom ya kiwa emkti.
Heijooh i por da ong u wa hadien wa khang ka National Green Tribunal (NGT) wow tih mooyong ka sorkar toh u chimkhai ko wow e laad ki ya kiwa dooh da kiwi ki laad yow imja ki.
Neiliang ka Angela Rangad won ka dkhot ka Thma U Rangli (TUR) da kylli ko ya i daw wa slem u montri ka kaam pohyung u James Sangma wow e ya ki kyntien yong oo heiyatoh wa ini i jia ya ka Agnes deiwa kylli “Cheiwon wiar u James haap yang u mo ya u payu u, u Conrad Sangma chwa wow klam u heiyatoh wa kani ka kaam?”
Discussion about this post