Ka chaad Sukra ka Seiñraij chnong Wapung Chnong

Jowai: Kam wa jooh man ha khlieh ki snem ka Seiñraij chnong Wapung kawa haap hapoh ka Seiñraij Tuber daw pynman biang ko ya ka Chad Sukra ha uni u snem ha ka 22 wa ka 23 tarik u Naitung (April) 2016, ka wow pynman ha madan yung Dorbar Chnong ka wow sdang nadooh i por 8 waje i por janmiet ka sngi nyngkong.

I pynman ya kani ka Chad Sukra toh yow pynneh pynsah ya ka dustur ka riti wa da sikai da u wa nachwa. Ha kani ka Chaad Sukra yong ka Seiñ Raij Chnong Wapung, hei sdang daw em i pynyoo rong tynre, katwa ha ka 23 tarik won daw em i chad tynre wa ha rukom kiwa wan yachim bynta na ki chong wapher wapher yong ka East Jaiñtia Hills District.

Kani ka Chaad Sukra u pynman hakmat ka khon ki hajar. Neiliang ka Seiñraij Wapung kyntu ko ya ki paidbah u embynta ha kani ka lympung.