Shillong: U Union Minister for Tribal Affairs, u Jual Oram ynne da ong u wa daw chna hadooh 36 tylli ki Ekalavya Model Residential School (EMRS) hei dor T. 20 klur kawi hapoh le snem ha kylleiñ ka jylla Meghalaya. Yeini da ong u kam u kongsan hawa wan wai ya ka Rev. Fr. D. J Wollaston Annexe ha St. Anthony’s College, Shillong.
Uni u montri da pyntip u wa da sdang wow chna ya ar tylli ki EMRS ha ki ar tylli ki thaw ha Meghalaya wei ym slem de daw pyndep noh ya ki deiwa kular wa ka sorkar pyrdi yaleh ko katwa ye wow kyntu kynrong wei wow wanrah ya ki kaam pynroi ha Meghalaya.
Neiliang u montri rangbah ka jylla, u Conrad K Sangma da ong u wa ka sorkar jylla kheiñkor ko yei stat i tip neibhah wa man ko ka laad wow wanrah yei kylla hapoh ka jylla. Da pynrap u leh wa emkaam yei yakrehlang yong ka sorkar, ki Research Institute wa ki karkhana (Industries) wow pynroi ya ka jylla.
Ka Wollaston Annexe hapoh St. Anthony’s College, Shillong em ko 27 tylli ki kamra (classroom) chirup wa ki laboratory, le tylli ki kamra krehkaam yong ko chnat puræ (departmental office) wa ka Executive Conference Hall.
Ya kani ka sngi da pynphooh da ki chaad wa ki rwai na ki khynnah kani ka College.
Discussion about this post