Lai bait ka yakhun First Division wa ka Second Division ha Mawryngkneng

Jowai: Ka Pdengshnong SC da jop ko ha ka First Division yong ka Mawryngkneng Greater Football League deiwa pynrem ya ka Mawthulai SC lyngba ka kool na u Iohborlang Mukhim heipor 50 minit ya yakhun ha ka kylla miet.

Ka Mawthulai SC ha u snem wa dadep da chah pynrem ko ha ka Final yong kani ka lympung  da yaleh ko katwa joh i bor wow pynkhih ya ka jaar kool tangwa nei pliah kiwa yang ka Pdengshnong SC ka Mawthulai SC ymye ko u pynkhih ya ka jaar kool.

Ha ka Second Division won ka Mawlyndep SC da jop ko ya ka Mainroad SC da 2-1 wei kini ki ar kool da thap da u Winstar Kharpran ha ka minit wa 13 wa 53 katwa ya ka Mainroad da yoh ko u thap lyngba u Kermini  Rymbai ha ka minit wa 41.

Ha ka yakhun Second Division hapyrdi ka Pommura SC wa ka Iapshyndiet SC da kut ko 1-1 heiwa ya ka kool na u N Kharkongor ha ka minit wa 16 ka Iapshyndiet SC da pyrchah ko ya ka foul tangwa neiliang u referee da rai u wow e kool.

Ha ka minit wa 41 neiliang ka Iapshyndiet SC lyngba u G Nongkhlaw da ye ko wow thap wei kani ka kool da yarap ko wow yoh point ko ha kani ka lympung.

Ka yakhun wow bood toh ha ka 24 tarik uni u bnai.

Related posts

Da jied ya u James Sangma kam u President wa u Rajiv Bareh kam u V-President ka Meghalaya Cricket Association

December 23, 2025

Jop ka Byndihati ya ka Women’s League 2025 ka EJHDFA

December 20, 2025