Shillong: Ka NEIGRIHMS da lehwarom ko ya Vigilance Week nadooh ka 10 hadooh 16 tarik uni u bnai hajrong ka phang “Eradicate Corruption – Build a New India.”
Da chim leh ya ka smai wa tip kam ka Integrity Pledge heiwa ha ka sngi nyngkong da yahkhmat da u Director, Prof. (Dr.) D. M. Thappa, u Deputy Director (A) Mr. David T. Umdor wa kiwa kreh ka Administrative Block.
Ha ka sngi wa ar won da yahkhmat wow smai na u Director Prof. (Dr.) D. M. Thappa, kiwa sikai (Faculty) wa ki Nurse kani ka hospital wei ha ki sngi wa bood da em ki pynsñiawthooh paidbah da u Vigilance Officer, NEIGRIHMS, Prof. (Dr.) P. Bhattacharyya ya ki khynnah puræ MBBS, kiwa puræ Nurse wa kiwi kiwi.
Da em leh ka yakob thoh Essay hajrong ka phang yong kani ka tayaw, i lehke Skit Play wa Poster Display Competition.
Ki khynnah wa puræ Nurse ha NEIGRIHMS Nursing College da jop ki ha kiwa boon ki yakob.
Neiliang u Director ka NEIGRIHMS, u Prof. (Dr.) D.M. Thappa, hawa e i klam da ong u wa waroh kiwa chong chnong toh u man ki kiwa syndong wa kiwa pyrchah ya i baam tooh ha ka imlang sahlang, wei emkaam wow thooh ki luti wow yaleh pyrchah ya i kaam baam-tooh khnang wow pynman ya ka ri kawa ym em de i baam-tooh.
Discussion about this post