Jowai: Ki dkhot ka NESO ynne ka sngi da pynman ki ya ka Protest Rally pyrchah ya ka Citizenship Amendment Bill 2016, ka Foreigner (Amendment) Order 2015, Passport (Entry in to India) Notification 2015 waka Long Term Visa.
Ki 8 tylli ki seiñ wa em hapoh ka North East Students’ Organization (NESO) da sdang ki ya ka yakhih ynne ka sngi ha Guwahati hajan ka Guwahati Club.
Da yoh ya i klam na kiwa mihkhmat ki 8 tylli ki seiñ wa em hapoh ka NESO wa kynthup ya ka Khasi Students’ Union (KSU), All Assam Students’ Union (AASU), Naga Students’ Federation (NSF), Mizo Zirlai Pawl (MZP), Twipra Students’ Federation (TSF), All Manipur Students’ Union (AMSU), Garo Students’ Union (GSU) wa ka All Arunachal Pradesh Students’ Union (AAPSU).
Kini ki seiñ da maham ki ya ka sorkar pyrdi wa lada pynkrehkaam ya kini ki Bill khlem pyrkhat ya ki tre ri kiwa man ki khian paaid ka thaaiñ daw wanrah ko ya i ma ya ki heiwa kini ki Bill lada man aiñ ki daw e laad ki ya ki nong Bangla wow psiah suk cha ki jylla ka thaaiñ mihsngi.
Ka dawa wa da pynbna toh wow pynkrehkaam noh ya ka NRC ha waroh ki jylla ka thaaiñ mihsngi yow lait u jia kamwa ha jylla Tripura.
Ya kani ka yakhih daw pteiñ sa ha Delhi.
Discussion about this post