Shillong: Ka National Milk Day namo ka sngi yong i dud daw lehwarom ya ka ha kani ka 26 tarik uni u bnai kam chibynta wow lehkmen ya ka sngikha u Dr. Verghese Kurien, ya uwa da khut maya leh kam u ‘Father of White Revolution’.
Ya kani ka sngi daw lehwarom ya ka da ka chnat Animal Husbandry & Veterinary Department ha U Soso Tham Auditorium, Shillong heiwa u symbood montri rangbah ka jylla, u Prestone Tynsong daw man u kam u kongsan.
Ka thong wow pynman ya kani ka lehwarom toh wow pynche cha ki paidbah yei myntoi wa yoh hawa dih dud. Kamwa 300 ngut kiwa psan mrad (dairy farmer) wa 300 ngut ki khynnah skur daw chimbynta ki ha kani ka sngi.
Kam chibynta kani ka lehwarom daw pynman boon tylli ki program ki wow kdaw yei myntoi wa yoh hawa dih dud man ka sngi nadooh wa dang khian rta hadooh wa da tymmen da heh wei daw pynyoo rong leh ya ki mar baam wa pynmih na i dud.
Ha kani ka lehwarom daw saam khusnaam leh ya kiwa jop yei naam Best Performing Dairy Farmers/Milk Producers wa ki yakob Quiz Competition wa i thoh Essay hajrong ka phang, “Importance of Consuming Pasteurized Milk”.
Daw pynman leh ya ka Live On Air Quiz Competition da ka Red FM Radio chwa yong kani ka sngi.
Discussion about this post