Shillong: 277 ngut kiwa chi jur kam ki chi kurim kiwa da dep bia da paan ki wow yalait noh ha u snem 2017-18 katkam wa pyntip ka Executive Member (EM) kawa pait ya ka General Administration Department (GAD), ka Rona Khymdeit.
Yeini da jubab ko yeiwa kylli u MDC ka People’s Democratic Front (PDF) MDC, u Hadrian Lyngdoh ynne ka sngi ha ka dorbar tlang ka KHADC hajrong i daw wa paan yalait noh kiwa chi kurim wei da jubab ko wa i toh iwa ym ye u ong wa em ki boon jait wei ini leh ym toh i kaam ka Executive Committee wei ya ini da leh da ki yung bichaar kam ka District Council Court.
Market complex
U Executive Member (EM), JM Tynsong da ong u wa ka Market Complex ha Nongstoin da pyndep ya ka hei dor T. 5.64 klur wa em 145 tylli ki dukan wei daw wai ya ka ha ka 08-12-2018 wei i daw wa slem wow wai ya ka toh neidaw wa em i thut wow pyndait bordiñ.
CCTV
Ki CCTV wa da pyndait ha kylleiñ soodong ka yungkrehkaam ka Khasi Hills Autonomous District Council (KHADC) em ki 24 tylli heiwa na kini em 12 tylli ha ka Executive Building, 4 tylli ha ka Court Building wa 8 tyllli ha ka Legislative Building katwa ha ka MDC Hostel ym em pyndait.
Ka poisa wa da pynlut neibynta ki CCTV ha kini ki le tylli ki thaw man ko T. 13, 65 268, T. 11, 41, 808 wa T. 2,23, 460 ha u snem 2013 wa 2018 wei da chem leh ya ka i wi i kaam tooh ha u snem 2014 lyngba ki CCTV wei da kem leh ya uwa emkti.
Discussion about this post