Kular u Lahkmen wow chimkhia u wai smat ya ka Girls Hostel ka KNGC

Jowai: Ka Kiang Nangbah Govt. College Students’ Union (KNGCSU) da e dorkhat ko ha u montri ka chnat puræ puthi u Lahkmen Rymbui wow wai noh ya ka Girls Hostel kani ka thaw puræ.

Ya ini da leh ynnin ka 22 tarik hapoh i yahkhmat ka President ka KNGCSU ka Jerina Lamare wa u General Secretary u Sokini Dkhar kiwa da lai e dorkhat ha u montri wa pait ya ka puræ puthi u Lahkmen Rymbui hei yatoh wa ka Hostel yong ki kynthai. Kat kam wa man katni ki khynnah hapoh Kiang Nangbah Govt. College em ki hadooh 2740 ngut heiwa kiwa boon toh ki kynthai.

Ka President ka Union da ong ko leh wa kiwa puræ hapoh kani ka College toh kiwa wan ki man yung wa dooh wa duk wei na ini i daw lai pynsniaw ko yeini i eh yong ki kynthai wa puræ hapoh kani ka College wa ka sorkar yow pynsmat ki u wai ya kani ka Hostel ka College.

Da ong ko leh wa kani ka Hostel toh kawa da dep chna nadooh u snem 2010 wei hadooh katni ym pu em u ye ki ka u wai neidaw wym em chimkhia ka sorkar.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamtæ neiliang ka KNGCSU da kyrpaad joor ko ya ka sorkar wow chimkhia ko hei yatoh wa kani ka Hostel wei neiliang u montri da kular u wow chimkhia u yeini chem chitom ki kynthai wa puræ ha kani ka College yow yoh u pynsmat noh u wai ya ka.