Da pynlait ya ki Ticket ka tamasa Kite Festival wa ar sngi ha Sabah Muswang, WJH

Jowai: Ynne ka sngi da pynlait paidbah ya ki Ticket ka tamasa wa tip kam ka Reliving the Memories “Kite Festival” namo ka tamasa pynhær phok ka wow man ha Madan Wahsalu, Sabah Muswang West Jaiñtia Hills District kawa daw pynman ha ka 7 wa 8 tarik u Kmaichonglad (Dec) 2018.

Ya kani ka tamasa da pynman da ka Rympei.com wei ynne ka sngi da pynlait paidbah ko ya ki Ticket ki wow dai hei dor T. 250 wa T. 500 (Free One Beverage) hei emlang u MDC ka 13 Saphai Constituency u Chanky Lyngdoh wa ki dkhot ka Chankylliang Development Society.

Ya kani ka jooh ka tamasa nyngkong dadep pynman ya ka ha Mawphlang, East Khasi hills District. Ha kani ka sien wa ar da rah ya ka cha ri-loom Jaiñtia wei neiliang ka Rympei.com da khut ko ya kiwa chong chnong ka ri Khasi Jaiñtia wow yawan cha kani ka tamasa kawa thmu wow pynkhai im ya ki yalehke yong rim kam ka pynhær phok, ki dat moo point, siat khnam, i pynyoo rong ya ki riam tynre wa kiwi kiwi wei da pynbiang leh ya ki thaw sah ha kini ki ar sngi wa ki dukan baam, dai mar wa boonjait.

Ya kiwa jop ha ka yakob siat khnam wa ha i pynhær phok da yoh ki ya ka song poisa wa T. 10,000.

Related posts

Saam ka Kur Soo Kpoh Khadar Wyrnai ya ka song poisa cha kiwa pam Lucky Draw

May 5, 2025

Ka Result Lucky Draw ka Seng Samla Seiñ Raij Satpator

May 1, 2025

Ha kini ki ar sngi daw em kiwa rwai wa pawnaam ki wow wan pynwyrngia kam u Waroh Pde, u Riquoma R Laloo, ka Gracyl Ropmay, u MCK (Sambormi), u Wanshwa & Desmond, u Headingson Rynthathiang, Halcom Tariang, Adoralyne Sawian, u Barry Mawthoh, ki Faithback, Colours, 4^th Element, Rum & Monkey, Melomindz, Different Matters, Distant Dream, Recalling ,The Twilight, Bed Rock Hooligans, Light After Dark.

Daw em leh ki DJ wa pawnaam kam ka DJ Yanny, DJ Banshan wa kiwi kiwi de wei waroh da em ki hadooh 27 ngut nadooh kiwa rwai samen wa ki dhab tem ha kini ki ar sngi wa khynthup leh ka dhab tem kynthai na ri-loom Garo kiwa tip kam ki Haystack Ladies.

I por wa pynman ya kani ka tamasa toh nadooh 11 waje i step hadooh 10 waje i miet ha waroh ar sngi.

Ya ki Ticket ye phi u yoh na ka dukan Hypertech wa em ha Kynrooh Saphlang, Rose Siangshai Beauty Parlor wa em ha Iawthymme Ladthadboh Jowai, na Datsun Showroom wa em ha New Hill, Blue Heaven Restaurant wa em ha Iawmusiang, Jowai, na Challam Enterprise, i dukan Milin Dkhar wa em ha Mooralong, i dukan Teylang Dkhar wa em ha 7 Mer, i dukan Damon Ki wa em ha pyrchah ya ka Woodland Medical Center Ladthadlaboh, na dukan Fort wa em ha Tyndowapung, Key Shaiwar Dapoi Iawmusiang, Wanshwa Xerox and Lamination Khliehriat wa em pyrchah ya ka State Bank , na i dukan Riyo Nongtdu hajan san mala East Jaintia Hills District, Ebor Talang Chiehruphi East Jaintia Hills District, Thymmai Beauty Parlour Ladrymbai wa Khliehriat East Jaiñtia, Heipormi Shop Khimmusniang, Alio Nongrum Amlarem Centre Point, Happiness Tongper, Umkiang East Jaintia Hills wei ye leh u phone ha kini ki number 8787836718, 7085705875, 8259961239 wa ka yutip na ka Rympei.com Website.

Kani toh katkam ka khubor na u Pyndap Lawriniang, Director.