Psiah Quarter Final ka Shangpung Khliehmuchut wa ka Moodymmai ha ka 3rd Division

Jowai: Ha ka 3^rd Division ynne dang pteiñ ya ki yalehke Pre Quarter Final heiwa ka Shangpung Khliehmuchut da yachem ko waka New Hill.

Ka Shangpung Khliehmuchut da jop da 3-1 ya ka New Hill.

Ya ki kool ka Khliehmuchut da thap da u Bantei Langstang ha ka minit wa 23 wa u Damiki Rabon ha ka minit wa 45 (Penalty Kick) wa ka minit wa 47.

Ya ka New Hill da thap da u Firstly Suiam ha ka minit wa 13.

Related posts

Rah biang ka Rymbai Skhenshynriah ya ka Gold Cup ka WSSWO | Kular u Sniawbhalang Rs. 20 lak yow chna Dressing Room

November 30, 2024

Kut noh ka 1st Shangpung Veteran Badminton Championship

November 29, 2024

Ha ka Pre Quarter Final wa bood won ka Moodymmai da pynrem ko ya ka Iong-i-Dahi da 2-1.

Ya ki kool ka Moodymmai da thap da u Beter Sumer ha ka minit wa 33 wa u Benison Rymbai ha ka minit wa 70 katwa ya ka Iong-i-Dahi da thap u Wanbha Sana ha ka minit wa 28.

Kamtæ ka Shangpung Khliehmuchut wa ka Moodymmai da psiah ki cha ka Quarter Final.

Ha ka 3 tarik uni u bnai ka yalehke Pre Quarter Final ka 3^rd Division u pynman hapyrdi ka Mookyndur waka Nangbah Pohshnong heipor 12 waje pyrdi sngi.

Ha ka Super Division daw em yalehke Semi Final hapyrdi ka 7 Wasa United pyrchah ya ka Khimusniang hei por 2 waje i sngi.