Jowai : Hadien wa mih khubor wa chah ñiaam rong i ahchrong ha ka yingkieñ yong ki Syiem Jaiñtia ynne ka sngi u DC ka West Jaintia Hills, deilang wa ka SDO, Amlarem Sub-Division wa u BDO Amlarem Block da li hiar ki cha ka kchaaid Krangsuri dielang wa ki dkhot ka Raij Buam Environmental Protection Association.
Neiliang u DC ka WJH da phah pynkhooid u yeini i rong wei da ong u leh wa kani ka yingkieñ man ko kawa da haap ha ka kyrdan wow yada ya ka katkam ka aiñ The Ancient Monuments and Archaeological Sites and Remains Act, 1958.
Neiliang ki dkhot ka Raij Buam Environmental Protection Association da e ki yaka Memorandum cha u DC heiwa da pynsniaw ki yei wow chna næ kah yeithaw wa kaad najrong ka khcaaid Krangsuri kawa da liat ka um wei da ngam ko chapoh heiwa neiliang u DC da pyntip u wa daw thooh ya ki laad kammon u leh yeini katkam ki stat wa ka juk katni yow yada ya kani ka kchaaid.
Ka seiñ da paan ki yow chna ya ka Check Dam haneiñ ka kchaaid khnang wow yoh ki u booh da ki lieñ yow chong ki bru kamjooh yow yoh kiwa rep u lai luti heipor wa lai hali lai bri ki.
Chooh chooh da paan leh yow chna pynmiat ya u surok wow poi cha kani ka thaw weiwow booh ya ka thaw pynyieñ kari weiwow chna ya ka thawsah ha Amlarem yow yoh ki bru wa wanke u sah.
Neiliang u DC da ong u wa daw thooh ya ki laad wow kyrriah leh ya u pipe umkor wa lai na kani ka yingkieñ moo.
Discussion about this post