Da lehwarom ya ka 25 snem ka Rev. Thomas Jerman Jones Presbyterian School

Shillong: U montri rangbah ka jylla Conrad K. Sangma ynne da ong u wa dang man i iwa khia wow kyntu kynrong ya ka kaam  puræ puthi hapoh jylla wei ka sorkar yaleh ko katwa ye wow pynkylla yeitæ, “Kat wympu ye i wow e yei puræ puthi wa paka, ymye i wow rah ya ka jylla cha kawi tawon ka kyrdan, wot ki thaw puræ man ki kiwa duna hapoh jylla wei ki sorkar wa dadep yaleh ki wow pynjanai yeitæ wei ini dang pteiñ i hadooh katni. Da yaleh i leh wow pynjanai ya kani ka bynta”.

Yeini waroh da ong u ha ka lehkmen Silver Jubilee Celebration yong ka Rev. Thomas Jerman Jones Presbyterian School kawa em ha Mawphlang, East Khasi Hills, heiwa da ong u, “Ka sorkar lyngba ka Education Policy da yaleh ko wow chna ki laad ki luti wow pyntikna wow e ya ka stat ka tip kawa paka bha cha ki khynnah.”

Da e yaroh u leh ya kani ka skur kawa yoo wa chynna jngai wow e ya hikai cha ki khynnah kam ha ka put ka tem tynre wa ki kaam yalehke sports ki wow yarap ya ki khynnah mynried mankawi.

“Ma i iwow yaroh wa kani ka skur esikai ko ha ki bynta ki wow yarap ya ki khynnah lait na ki kot ki sla. Emkaam i wow hikai ya ki khynnah yong i wow man ki kiwa ye u pynpliah ya i sap yong ki,” da ong u.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Ha kani ka sngi da saam leh ya ki mementos cha ki dkhot kiwa seiñ ya ka skur, kiwa sikai wa da heh rta, wa kiwi kiwi.

Ha kani ka sngi da emlang leh u MLA ka thaaiñ u S.K. Sunn wa kiwi kiwi.