Jowai: ka seiñ kiwa kreh Muster Roll hapoh ri-loom Jaiñtia kawa tip kam ka Jaiñtia Public Works Department Muster Roll Workers & Labour Union (JPWDMA & LU) ha kani ka 3 tarik da lai e dorkhat ko cha u montri rangbah ka jylla u Conrad Sangma kawa da pdiang da u Allantry F Dkhar Political Adviser u montri rangbah.
Ha ka dorkhat da ong wa nadooh ka 05-09-18 da dep e dorkhat ha u symbood montri rangbah, u Prestone Tynsong kawa da khana ya kiwa boon ki chitom wa chem wei da kular wow chimkhai ya ini tangwa ym em leh u iyi iyi leh kamtæ ha ka 15-11-18 da phah ya ka chithi wow pynkynmoo ya oo ya ini tangwa ym em mih soh iyi iyi wei ha ka 30-11-18 da pynman ya ka lai paidbah wa jai-jai kam ka dak wow pynyoo yei pyrchah ya u Tyngsong uwa ym em leh iyi iyi leh heiwa da wan chimbynta da ki hajar ngut ki Muster Roll.
Ha kani ka sngi lai paidbah da chim ya ka rai wow thoh cha u montri rangbah yow yarap ya ki Muster Roll kiwa wan na ki bynta wa tlot wa dooh ka imlang sahlang wei lada hapoh 10 sngi ym leh iyi iyi leh daw pynman da ka chah thngan kawa khlem booh por katwa ympu yoh yei hok yong ki.
Kamtæ da kyrpaad ya u montri rangbah wow chimkhia u ya ini.
Discussion about this post