Shillong: Ka yung krehkaam District AH & Veterinary Officer, East Khasi Hills District da pynman ko ya ka One Day Livestock Mela hapoh ka National Livestock Mission 2018 ynne ha Madan Football, Mawbynna, Kharang hapoh ka Mawkynrew C&RD Block heiwa u montri ka kaam rep ka jylla, u Banteidor Lyngdoh da man u kam u kongsan.
U Banteidor hawa e yei klam da pynksan u yei emkaam wa i myntoi wa yoh nei psan mrad (livestock farming) kam kawi na ki laad yoh kreh ha ki thaaiñ nongkyndong. Deiwa kyntu ya ki wow chim kabu ki yei yarap wa e da ka sorkar lyngba ki chnat waphær waphær.
U Kongsan da saam u leh ya ki khusnam cha kiwa ri mrad ka Mawkynrem C&RD Block kiwa psan sniang, syiar wa kiwa ri blang.
Ha kani ka sngi da em ka esikai yeiwa da pynbood da i kylli yutip wa i phyllu yumut hapyrdi ki warep wa ki bru chemphang na ki chnat sorkar wei da booh leh ya ki dukan heiwa da pynyoo ya ki mar wa pynmih da ki warep.
U Block Development Officer, Mawkynrew C&RD Block, u L.T. Tariang wa u District AH & Veterinary Officer, Dr (Mrs) A. Laloo da emlang ki ha kani ka programme.
Discussion about this post