Jowai: Ka ST Component of Poultry Seed Project da pynman ko ya ka ya ka esikai hajrong ka phang “Rural Poultry Production for Socio-economic Development of Tribal Farmers of Meghalaya” ha Thadlaskeiñ, WJH.
Ya kani ka esikai da pynman da ka Division of Livestock Production, ICAR Research Complex for North Eastern Region hei yakrehlang wa ka KVK Jaiñtia Hills heiwa ya ka yalang da pynlai da u Dr. HD Talang uwa man kam u Scientist Horticulture wei da wan emlang u MLA ka Jowai, u Wailadmiki Shylla kam u kongsan.
Ha kani ka sngi da yoh ya ki kyntien pdiang burom na u M. Niranjan, PS &CO-PI, PSP.
Neiliang u Pr. Scientist & PI (PSP) yong ka Livestock Production Division, ICAR u Dr. S. Doley da pyntip u wa da saam hadooh 10 tylli ki syiar Vanaraja samen cha ki warep wei daw saam leh 2 kilo i baam ya kini ki syiar.
Da pyntip u leh wa kani ka esikai toh kawa ar sngi wei ka thong yong ka hi toh wow pynku yei yoh lap ki warep ar chah neiwa jooh em.
Neiliang u District Agriculture Officer, u W. Marbaniang da kyntu u ya ki warep wow pynemkaam hok ya kani ka esikai khnang wow ye ki u pynku yei khih da ar chah ha u snem 2020 katkam ka thong ka sorkar pyrdi.
Neiliang u Wiladmiki, kam u kongsan da e khublei u ya ka ICAR wa ka KVK kiwa da pynman ya kam kani ka esikai hapoh kani ka Block.
Da ong u leh wa ka yoh ka kot da chah ktah bha ko hadien wa chah khang mooyong wei ka sorkar yaleh ko katwa ye wow wai biang ya oo.
Chooh chooh da ong u wa emkaam wow sñiawthooh wa u mooyong daw lut u ha kawi ka sngi wei ini toh wa pynkhyrngiat u blai ya i kamtæ emkaam wow thooh laad wow seiñ khih deiwi tawon.
Ha kani ka sngi da wan ki warep na ki chnong hapoh ka Thadlaskeiñ wa Laskeiñ Block.
Da pynkut ya kani ka yalang wai da ki kyntien khublei na u Pr. Scientist, u Dr. T. Samajadan.
Discussion about this post