Jop ka Meghalaya ya ka Uttarakhand da 10 Wicket ha ka Senior Women’s One Day League

Shillong: Ka Meghalaya da jop suk ko da 10 Wickets pyrchah ya ka Uttarakhand ha Senior Women’s One Day League wa pynman ha Bhubaneshwar ynne ka sngi.

Kani da man ko ka sein wa ar wa jop ka Meghalaya da 10 Wicket hadien wa pynrem ko ya ka Bihar ha ka 8 tarik uni u bnai.

Chwa kani ka yalehke ka Meghalaya waka Uttarakhand man ki ki arliang kiwa ym pu em rem ha waroh ki yalehke yong ki.

Ka Uttarakhand da jop ko ya ka kylla khlem wei da jied ko wow Bat nyngkong tangwa ki le ngut kiwa Bat nyngkong da haap ki khlem em yoh ki tang chi run samen wei hadien kini ki le ngut da pteiñ biang i haap smat ki Wicket.

Related posts

Jop ka Ummulong ha ka yalehke wa sdang ka District Cricket League 2026 ka WJHDCA

February 23, 2026

Pdengshakap Football Tournament: Jop ka One Soul Utd Pdengkarong wa ka Rilum Hynniew Trep FC

February 22, 2026

Kawa kawang bol ka Meghalaya ka Vandana Mahajan da leh bha ko deiwa yoh 4/13 ha ki 8 Over, ka Trisha Bera da yoh ko (2/10), ka Pinky Chanda (2/15), Saee Purandare da yoh ko (1/7) wa ka DD Dutta (1/41) kiwa da pynhaap lut ya ki Wicket ka Uttarakhand kawa da ye u kamai 101 Run na ki 40.4 Over.

Kiwa Bat ka Meghalaya ka Purandare waka Dutta da pynjop suki ha 30 Over khlem haap ka Wicket yong ki. Ka Purandare da yoh ko 62 Run na 80 tylli ki bol wei da yoh ko leh 9 tylli ki 4 Run katwa ka Dutta won da kamai ko 34 Run.

Ka Meghalaya kattu u yachem ko waka Sikkim ha ka 16 tarik uni u bnai ha Cuttack.