Shillong: Ka EVM & VVPAT Awareness Programme and Live Product Demo neibynta ki dkhot ka yung bichaar (Judicial System) da pynman ya ka da ka chnat Election Department, Government of Meghalaya ynnin ka sngi ha Hotel Polo Towers.
Ha kani ka sngi u Chief Election Officer ka jylla, u FR Kharkongor da ong u wa kani man ko ka sien wa ar wa pynman ya kam kani ka Awareness Programme wow pynche wei wow pyn sñiawthooh yei rukom krehkaam ki EVMs wa ki VVPATs wei kam kini ki programme daw pynman leh chawi.
Da pynrap u deiwa ong wa em i yaphær hapyrdi i sih wa i chah pynsih ki EVMs wa VVPATs wei ymtoh u kheiñlang ya ki kamjooh.
Heiyatoh wa pynman ya kani ka programme kyrpang neibynta kiwa kreh ha ki yung bichaar, da ong u wa heipor election ye u poi ki ujor ha ki por wow wan hajrong kini ki tiar katwa kamtæ emkaam wow tip bniah kammon krehkaam ki.
Ha kani ka sngi da pynlait leh ya ki kot lakdop hajrong ki EVM & VVPAT wa ka thup rwai CD hajrong ki EVM & VVPAT.
Da em leh ka pynyoo dur chirup wei batai namo ka presentation hajrong kini ki tiar da u K G Nongrum, Sr. System Engineer.
Ha kani ka sngi da emlang u Secretary ka chnat Law department, u W Khyllep; u Additional CEO, R P Marak, u H Nongrum, President, District Bar Association wa kiwi kiwi.
Discussion about this post