Pynbna tarik Election MDC ka sorkar cha ka KHADC waka JHADC

Shillong: Ka sorkar jylla da pynbna ko ya ki tarik yaleh Election MDC cha ka KHADC wa ka JHADC ka wow pynman ha u Thohlakhmi (Feb) 2019 ha ka 27 tarik wei ya ka niaw Vote won u man ko ha ka 2 tarik u Wisu (March) 2019.

Hawa pynbna ya ini, u symbood montri rangbah, u Prestone Tynsong da pyntip u wa ka sorkar da chim ko ya kani ka rai wow booh noh ya ka sngi thap Vote ha kini ki ar tylli ki ADC.

Ka aiñ mana Election namo ka Model Code of Conduct u krehkaam ko nadooh ka 2 tarik u Thohlakhmi (Feb) 2019 nadooh wa pynmih ya ka ini i pynbna.

I pynkhreh ya ki pyrtuid kiwa thap Vote u man ko katkam ka 12 tarik u Duiatra (Jan) 2019, wow ujor ya ki pyrtuid kiwa thap Vote u chah hadooh 22 tarik u Duiatra (Jan) 2019 wei i pynkut ya kiwon kiwon ki ujor u man ki ha ka 26 tarik u Duiatra (Jan) 2019 wei i pynmih ya ki pyrtuid wa pura kiwa thap Vote u man ko ha ka 30 tarik Duiatra (Jan) 2019.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

I thap pyrtuid ya ki kyrtong MDC u sdang ko nadooh ka 2 tarik u Thohlakhmi (Feb) 2019 hadooh ka 7 tarik uni u jooh u bnai wei ya ka bichaar ya ki kot ki sla u pynman ha ka 8 tarik u Thohlakhmi (Feb) 2019, wei kiwa kwah u kynran dien naka yakhun MDC toh u leh ki ha ka 9 tarik Thohlakhmi (Feb) 2019.