Jowai: U Commissioner of Transport u I.W. Ingty da pyntip u wa kamwa pynbood ya ka hukum ka Supreme Court yow e laad wow chalan ya u mooyong wa da dep tih hapoh ka jylla, waroh ki truck wa kit mooyong haap bood ki ya kini ki kyndon wa da pynmih.
Waroh ki truck wa kit mooyong toh u thaw khia ki du ha kini Weighbridge wa da jied da ka sorkar:
- East Jaiñtia Hills District-Ratacherra/Umtyr-a
- West Jaiñtia Hills District- Garampani/Amsarin
- East Khasi Hills District- Majai/Iew Syiem
- West Khasi Hills District- Nongdomprut
- South West Khasi Hills District- Borsora/Bagli wa Cherragoan
- Ri Bhoi District- Shangbangla
- North Garo Hills District- Sarangma
- West Garo Hills District- Dalu
- South Garo Hills District- Gasupara
Waroh ki truck kit mooyong ymtoh u kit ki palat pood ya kiwa chah.
Kiwa chem wa kit palat pood ye ki u chah kem wei daw pynchitom katkam ka Section 194 ka MV Act 1988 wa ka CMV Rules 1989.
Lada em ka truck wa kit palat pood wa sih ha sarok kawa wanrah ya i sah ki kari, u tre kari daw haap u bahkhlieh yeini wei daw chah pynchitom ki katkam ka aiñ.
Ya kini ki kyndon toh u bood bniah yow lait u mih iwon iwon i sahkut kari kamjooh ya ki kyndon ka Supreme Court.
Discussion about this post