Da ki klur yoh kem drugs ki pulit ynnin i miet

Shillong: U Superintendent of Police (City) u Steve Rynjah da pyntip u wa ynnin ka sngi heipor 6:30 i janmiet da kem ki ya uwi u bru wa tip kam u Md. Azad Khan wa ka lok kynthai u kawa tip pyrtuid kam ka Hanifa Bibi hadien wa yoh yutip ki wa sah ki ha kawi ka Hotel kawa tip kam ka Priya Hotel wa em ha Police Bazar, Shillong wei da sah ki ha ki ar tylli ki kamra.

Kini ki ar ngut toh kiwa khayi ya ki drug Amphetamine (World is Yours) heiwa kini ki dawai kuli em ki yei dak WY, wei heipor wa lai kynreh ki pulit ya kini ki ar kamra da kem ki leh ya kini ki ar ngut wei hawa takit ya ki ha kani ka thaw da phla ki toh kiwa dai ya uni u drug tangwa ym em chem ya kini ki drug na kani na ka Hotel.

Da phla ki wa kini ki drug da booh ha yung yong u bru wa tip kam u Md. Sameer Khan uwa sah ha Demthring Block-I.

Hadien ini da lai ki pulit deilang wa kini ki ar ngut wei cha yung u Md. Sameer Khan wei da kynreh ki yei yung u hei emlang leh kiwa sakhi wei da phla u wa da yoh u ya ka yusong naka Hanifa Bibi wei da chem leh ya kini ki drugs na ini i yung.

Hawa thaw khia ya kini ki drugs da poi ki 2.9 Kg iwa da poi palat 25,000 tylli ki drugs kuli kiwa chong dor T 2.90 Klur wei da kem leh sa ya u Md. Sameer Khan.

Ya kini ki le ngut da pyngat hapoh ka kyndon 22(c) wa 29 ka aiñ NDPS Act.

Related posts

Napoh khloo yoh kem ki pulit ya uwa da chah pynngat ha kiwa boon ki kyndon aiñ

January 29, 2026

Chah kem kiwa dat wei tooh ya ki Mobile Phone ki bru

January 28, 2026

U SP da pyntip u leh wa dang pynman ya ka takit yow chem chooh ya kiwa dai kamjooh kiwa pynlai yaaw ya ini i jait drug.

Chooh chooh da pyntip u hawa dai ya ini i drug da song ya ki ha ka plastic rong suiñ bneiñ wei kiwa boon hi kiwa pynemkaam ya ini i drug toh kiwa dang lai puræ puthi ha ki por wa leh muja lehkmen ki (Party Drug).

U SP da ong u leh wa kini ki drugs toh kiwa wan na baar jylla wei deiwa booddien ya kiwa psiah chapoh ka jylla da ye u kem ya ki.