Jowai: Kam chibynta wow pynheh ya u sarok ha Iawmusiang yow pynduna leh ya i khynnia kari, ha kini ki sngi wa dadep da sdang sliah noh ya i yung ar mala wa em ka Meghalaya Rural Bank, wa em hajan ka laad Thomas Jones Synod College.
Ini i bynta u man noh i kam chibynta u sarok Tpep Pale – Kynrooh Saphlang uwa haap hapoh i pait ka PWD (Roads), South Jowai Division.
Uni u surok uwa jrong kamwa 2.19 Km da mang wow chna ya oo hajrong ka yurim wow pynsuk yei lai yei wan ki paidbah deiwa pynkyllooid ya u surok hei lut kamwa T. 6,40,26,400.00 (Ynru Klur Soophaw Lak Arphaw Ynru Hajar Soo Spah). Ya kani ka poisa da yoh na ka Special Plan Assistance (S.P.A) yong ka sorkar jylla Meghalaya.
Ya ka Rural Bank da kyrriah noh ya ka cha i yung wa em marpyrchah ya ka Thomas Jones College kamjooh ya ka ya ka Synod Book Stall kawa da kyrriah da rap slem.
Ini i thmu toh yow pynkmai ya kani ka laad yow suk ki paidbah, yow pyndam noh ya ka One-Way kawa dang pynkrehkaam katni.
Discussion about this post