252 Run pyntam ka Meghalaya ya ka Manipur ha ka U-19 Cooch Behar Trophy

Shillong: Ka Century na u Ankit Kumar Singh da yarap ko ya ka Meghalaya yow poi ko 281 Run deiwa haap lut ki Wicket ha ka sngi wa nyngkong ha ka U-19 Cooch Behar Trophy pyrchah ya ka Manipur kawa kamai 29/5 hadooh wa kut ka yalehke wa pynman ynne ka sngi ha Goalpara, Assam.

Ka Manipur da jop ko ya ka kylla khlem wei da jied ko wow kawang bol nyngkong. U Ankit da kamai u 128 Run (24 fours, 1 six) wei da kamai lang u wa Raghav Kapur da 158 Runs heiwa u Kapur da yoh u 65 Run.

Ka Manipur hawa Bat ko, deiwa leh bha uwa kawang bol ka Meghalaya u Abhishek (4/11) da kamai ko 29/5 na ki 15 Overs hadooh wa kut ka yalehke deiwa dang bood da 252 Run ya ka Meghalaya.