Jowai: Ka Dorbar Chnong Sutnga ynne ka sngi da e Award ko cha ki 5 ngut shi ki khynnah kiwa leh bha ha ki Exam HSSLC wa SSLC kiwa yoh 85% chanieñ wa kynthup leh ya ka Sookini Sutnga wa rah naam ko ya ka chnong wa ya ka District waroh kawi deiwa jop ya i naam Miss Cherry Blossom India International, 2017, Miss Popular ha ka Sunsilk Mega Miss North East, 2017 wa ka Miss Hynniewtrep, 2018.
Ini i e Award man ko kam chibynta wow pynchlur ya ki khon ka chnong Sutnga wow man ki kiwa nang ye u kreh chitom hei puræ puthi yong ki wa ha kiwon kiwon ki kaam wa bha neibynta ka imlang sahlang wa yaka chnong.
Kiwa yoh ya kini ki Award kynthup ya ka Ahmerika Sutnga-HSSLC, u Kyrmen Skhem Dkhar uwa yoh Top 20 ha ka SSLC Examination yong ka MBOSE, u Purify Suja-SSLC, ka Ibalathrangbha Chyrmang-SSLC wa u Rupang Star Lyngdoh-SSLC.
Ha kani ka sngi da emlang u waheh chnong ka Sutnga u Bankupar Sutnga, U Genl. Secretary chnong u I.M.Sutnga, u Dolloi ka Sutnga Elaka u E. Sutnga, ki EC Member yong ka chnong, wa ki paidbah yong ka chnong.
Da yoh ya ki kyntien klam sneiñ kyntu ya kiwa yoh Award na u Dr. J.W. Dkhar wei da e i kyrkhu kyrdoh cha ki da u Tbn.T.A. Khonglah.
Discussion about this post