Rai ka Dorbar Pyllun ka Nongkhroh wow pynyakhun da u Jimmy Raul Kharmuti ha ka MDC na ka Ummulong-Moodymmai

Jowai: Ka Dorbar Pyllun yong ka chnong Nongkhroh kawa man ha ka 27 tarik uni u bnai hadien wa da pdiang ya u Jimmy Raul Kharmuti, kam uwa chong chnong wa pura yong ka, da chim ko ya kawi ka rai wow pynyieñ ya oo kam u kyrtong MDC na ka Ummulong- Moodymmai Constituency.

Ya ka Dorbar Pyllun da pynlai da u Chairman chnong u Wanbiang Mukhim heiwa ka Dorbar man ko kawa jai jai wei kawa chongkun.

Neiliang u Waheh Chnong Nongkhroh da puræ u ya ka chithi wa tyrwa psiah chnong na u Jimmy Raul Kharmuti heiwa ka Dorbar da pdiang ko ya i tyrwa yong oo.

U Jimmy Raul Kharmuti, da pynsñiaw u yei sñiawngooh ya waroh kiwa chong chnong yong ka Nongkhroh khamtam ya ka Dorbar Chnong wa kiwa pdiang ya oo kam u khon ka chnong, khamtam wa da pdiang wei da rai wow pynyieñ ya oo kam u kyrtong MDC na ka chnong Nongkhroh.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Hadien wa pyrchah yong ki kattu katni ki bru rangbah wow pynyieñ ya u Jimmy Raul Kharmuti kam u kyrtong MDC yong ka chnong Nongkhroh, da tyrwa da waroh ki manbei manpa wa ki kynroo khyllood wow kyrchaan tylli ya u Jimmy kam u kyrtong ka chnong.

U Jimmy Raul Kharmuti da ong u wa ka thong wa hakhmat dooh ka yong oo kam u MDC toh wow wanrah ka Policy wa kyrpang neibynta wow yada wow kyntu ya ki warep wa ki chnong nongkyndong, u wanrah leh ka Policy wa kyrpang neibynta wow kyrchaan wei wow e ka mynried wa bha ya ki khynroo khyllood kamjooh wow wanrah ka Policy wa kyrpang yow pynku ya ka kaam uiñke suwari yow yoh kaam yoh jam ki khon khynroo khyllood wei wow kyntu ya ka yoh ka kot ka Constituency waroh kawi.