Jowai: Hei yatoh wa iwa jia ha i thaw tylliat moo wa em ha Amtapoh Amlarem heiwa da dooh yei mynsien yong uwi u bru, ki ynru ngut ki MLA ka Congress hadien wa poi ki ha Jowai na Ksan ynne ka sngi da phah hajir ki ya u SP wa u DC ka WJH wow paan jubab na ki yeiwa jia.
Ka Ampareen da ong ko wa khyrngait ko u sñiaw wa da emkti lang leh ki khynnah wa dang hapoh 18 snem ha kani ka kaam wei da pynkynmoo ko leh wa i chah khang tih mooyong ha ka NGT da sdang i hadien wa mih khubor wa pynemkaam da ki khynnah wow kreh hapoh ki paar mooyong.
Neiliang u SP da pyntip u wa da em ar tylli ki FIR kawi toh pyrchah ya kiwa kreh hapoh ka thaw tylliat moo wa kawi na u Manager kani ka thaw tylliat moo kawa ong wa uwi na kiwa kreh u da khlaad u wei ini i jia toh hapyrdi kiwa kreh ha kani ka thaw kiwa tipmit uwi ya uwi wei ym toh ka yachoh hapyrdi kawi ka jaitbru wa kawi ka jaitbru wei man ko ka daw hapyrdi kiwa krehlang ha kani ka thaw wei dang pynman ya ka takit.
Chooh chooh da pyntip u wa i awri awra da mih i hapyrdi kini kiwa kreh iwa ym pu tip i daw iwa da yah cha ka yachoh hadooh wa dooh yei mynsien yong uwi wei da man ki leh kiwa da muaid.
Da pyntip u leh da kem 11 ngut heiwa 4 ngut toh kiwa dang hapoh 18 snem wei da phah ya ki cha Juveniel Home katwa kiwa sah dang kset ya ki ha thanat.
Also Read: Chah pynyap uwi ha kiwa kreh thaw tylliat moo ha Amlarem
Discussion about this post