Jowai: Ka Winter Festival wa pynman da ka Yaman Creations (YC) da sdang ko ynne ka 28 tarik wei daw pteiñ ko mynstep ka 29 tarik kawa man leh kam chibynta wow lehkmen wow pynkut ya u snem 2018 wei kamjooh ka rynsan ya kiwa rwai wa tem wa put nadooh kiwa da rim wa kiwa thymme wow pynyoo ki yei sap yong ki.
Ha kani ka sngi nyngkong da em 9 tylli ki dhab tem wa kawi ka DJ wa wan wow pynwyrngia ya ki paaidbah kiwa wa kynthup ya ki Menders, Larger Than 90, ki Colours, Empirical Tribe, ka DJ Daffy wa kiwi kiwi.
Da em leh ki thaw wa da booh kyrpang ya ki khynnah wow yalehke ki kam ki Trampoulin, ki Bouncy Castle wa kiwi kiwi, ki Camp Site ya kiwa kwah wow sah miet wa ki dukan dai baam.
Kani ka tamasa mynstep u sdang ko nadooh 11 waje i step hadooh 10 waje i miet wei daw wan kiwa tem na Guwahati kiwa tip kam ki Eclipse, ki Black Jack na Tura, Bedrock Hooligans na Jowai, u Chevvy Khonglah uwa na Jowai, u DJ ADL X KLY, ki Voices Nala Rympei kiwa rwai wa pawnaam na Shillong wa kiwi kiwi.
I thaw pynman ya kani ka tamasa toh hajan i thaw psiah cha kchaaid Krangsuri wei yow poi cha kani ka thaw hap lai lyngba ka Amlarem cha kchaaid Krangsuri.
Discussion about this post