Jowai: Du hapoh uni u bnai hapoh Jowai donhi da em 9 sien i tyrrah kari heiwa da mynsoo leh ki kattu katni ngut, da ong u SP ka West Jaiñtia Hills, u Lakador Syiem ynne ka sngi hawa yaklam wa kiwa pathai khubor deiwa pynrap wa em leh ki kattu katni i kaam tyrrah kari wa khian wa nai.
Da ong u wa ki bor pulit pynlai kari da yaleh ki katwa ye wow pyndooh pyndam ya i yah kari khalær.
“Ha ka 30 wa 31 tarik daw sylli ya kiwa yah kari wei wow pynchitom ya ki bru kiwa yah kari khalær wa kiwa yah kari dei muaaid wei daw pynchitom ya kini kiwa leh pyrchah,” da ong u Lakador.
Heijooh i por da ong u wa ya kiwa leh pyrchah daw pynchitom ya ki katkam ki kyndon ka aiñ MV Act waka Meghalaya Police Act.
Da ong u leh wa ha kini ki ar sngi, daw pynemkaam bha ya ki Breath Analyzer wow chem ya kiwa yah kari dei muaaid.
Discussion about this post