Da ka 301 Run na u Bisht waka 175 Run na u Biswa pyntam ka Meghalaya da 336 Run ya ka Sikkim

Shillong: Ha ka sngi wa ar ka Ranji Trophy hapyrdi ka Sikkim waka Meghalaya, uwa Bat ka Meghalaya u Punit Bisht da kamai u 301 Run (Not Out) katwa u Raj Biswa da yoh u 175 Run yow pynpoi ya ka Meghalaya cha ka 555/3, iwa tam da 336 Run ya ka Sikkim.

Ka Sikkim da haap lut ki Wicket ko deiwa kamai 219 ynnin ha Bhubaneshwar, heiwa ka Meghalaya da jubab ko da 101/2 hadoo wa kut ka yaleke ka sngi nyngkong. U Biswa da kamai u 48 Run katwa u Bisht won da kamai u 29 Run.

Ynne u Bisht wa u Biswa da kamai lang ki sa 383 Runs neibynta ka Wicket wa le chwa wow haap u Biswa da 175 Run. Da dat u 25 tylli ki 4 Run na ki 321 tylli ki bol.

U Bisht won da dat u 48 tylli ki soo Run wa kawi ka 6 Run yow kamai 301 Run na ki 293 tylli ki bol.

Related posts

Sdang ki yalehke ka 6th Meghalaya Games 2025 da ki yalehbol ki chynrang

January 15, 2025

Sdang ka T20 Cricket Tournament ha Ummulong | Daw yoh madan Cricket ha West Jaiñtia Hills

January 15, 2025

Uwa Bat wa bood u Yogesh Nagar won da kamai u 30 Run hadooh wa poi ka yalehke hadooh wa kut ynne ka sngi.

Sa ar sngi dang sah ka yaleke wei ka Meghalaya emlaad ko wow jop ya ka Sikkim da chi Innings.

U-19 COOCH BEHAR TROPHY

Ha ka U-19 Cooch Behar Trophy, ka Meghalaya da jop ko ya ka kylla khlem wei da phah Bat nyngkong ko ya ka Bihar ynne ka sngi ha Patna.

Hadooh wa kut ka yalehke ynne ka sngi, ka Bihar da kamai ko 318/3, heiwa u Piyush Kumar Singh da kamai u 174 Run (Not out). Ya waroh le tylli ki Wicket ka Bihar da pynhaap da u Abhishek (3/69).