Jowai: Ka Seiñ Kyntu Seiñ Raij 12 Dolloi ryngkat i krehlang wa ka Indian Council for Cultural Relation wa ka Sanskar Bharati Meghalaya da pynman ko ya ka yalang kynmoo warom ya ka lyngkhooh dap snem yap wa 156 u Woh Kiang Nangbah ha pchem i yung krehkaam ka seiñ ha Thadmuthlong C.
Ya kani ka yalang da pynlai da u Mario Biam President ka Seiñ wei chwa wow sdang da ya ki kyntien ngoohblai na u Wanbha Lyndoh u Langdoh Niam ka Raij Mukhla wa ki kyntien pdiang burom na u Meliyo Lyndoh uwa man leh kam u Secretary ka Education Committe ka seiñ uwa da klam leh hajrong ka parom u Woh Kiang Nangbah.
Ka seiñ da booh syntu ko leh ya ki ar ngut ki kñi ka seiñ wa kynthup ya u Bud Chyrmang wa u Dr. George L. Niang.
Ha i janmiet da pynyoo ya ka Drama kawa man hajrong ka parom u Woh Kiang Nangbah.
Ha kani ka sngi da yoh leh yei klam na u Rijant Kyndait Asst Secretary ka Seiñ, na u Working President ka Sanskar Bharati Meghalaya wa kiwi kiwi.
Discussion about this post