Jowai: Ka East Jaiñtia National Council (EJNC) – Central Executive Council ynne ka sngi ha ka khubor wa da phah ko da pynsñiaw ko yei sñiawkhia wa i sñiawsih wa khroo hajrong i jia ha Ksan, East Jaiñtia Hills.
Da phah ko leh ya ka khubor wyrai cha kiwa hayung yong ki 3 ngut na Lumthari kiwa kynthup ya u Melambok Dkhar (22), Dimonme Dkhar (20) wa u Shalabas Dkhar (20) deiwa ong wa i yap wa i im chong i ha i mon u Blai wei kam ki bru emkaam wow pdiang yeitæ, ka seiñ da e ngooh ko leh ya u blai wow wanrah biang yei kmen i sñiawbha ya kini ki manyung.
Heijooh i por ka EJNC da dawa ko na ka sorkar jylla (MDA) wow e yarap da ka song poisa cha kiwa hayung hasem kini ki le ngut neibhah wa toh nei ban i dooh tæ ki leh da chah pynbor ki wow tyngkheiñ ya ki kyndon aiñ ka NGT.
Da kyntu ko leh ya ka Congress kawa em ha ka liang pyrchah (Opposition) wymtoh u chim kabu ya iwa jia hapoh EJHD dei thmu wow tympiah sorkar lada em ko (Congress) i sñiawkhia hajrong ini i jia waroh.
Discussion about this post