Jowai: Katkam ka yutip wa da yoh ynne ka sngi hadooh 4:30 i janmiet heiyatoh wow sai ya ki 15 ngut kiwa chah kset hapoh ka krem mooyong, ka Company Kirloskar da sdang ko wow pynemkaam ya ki ar tylli ki Pump wa khlan bor taan um yong ka nadooh 3:30 i janmiet kiwa pyndait ha ka krem mooyong wa em kiwa chah kset.
Da yooluti wa ka um daw duna ko wei daw hiar kiwa ngam um ka Navy yow pyntikna hadooh katwon hiar ka um.
Ka Fire Service Odhisa waka Coal India Ltd leh dang pteiñ ki wow taan um na ki krem mooyong wa rim wa em hajan wei da hiar ka um sa 1.5 Ft wei da sai 1000000 Liter ka um ha ki 10 kynta wei ym em de yooluti wow ku ka um neidaw wa da liat ko cha kiwi ki thaw ym em neh ko chithaw.
Ha ka krem mooyong wa em kiwa chah kset ka um dang neh ko katjooh hi wei kattæ wa da sdang taan um saka Kirloskar da yooluti wa daw hiar ko.
Discussion about this post