Dang bichaar ki pulit ya ki CCTV ha yung krehkaam ka BJP: SP-EKH

Shillong: Hajrong i chah pakhot petrol bomb ka yung krehkaam ka BJP ynne i step synyaw neiliang u SP ka East Khasi hills u Davis NR Marak da pyntip u wa kiwa yahkhmat ka BJP da ujor FIR ki ynne ka sngi tangwa ki pulit da sdang takit ki hanlada ympu yoh ki ya ka FIR.

U SP da pyntip u wa ki pulit dang bichaar bniah bha ya ki CCTV kiwa em ha kani ka yung krehkaam wa ki thaw wa jan wow chem ya kiwa emkti.

Da pyntip u leh wa hadooh ynne ki pulit ympu tip ki katwon ngut wa emkti wow pakhot ya u bomb.

Da pynrap u leh deiwa ong wa ym duna ki ya ar namo le ngut neibhah na kani ka thaw da yoh le tylli ki klong wa suba wa da pynemkaam ha ini i kaam.