I kyrriah ya ka Jowai PWD North Division cha Shangpung toh wow pynhun ya u MLA ka Raliang: RJYF

Jowai: Ka seiñ Ri-Jaintia Youth Federation (RJYF)-CB da pyrchah joor ko ya i thmu yong ka sorkar wow kyrriah yaka chnat krehkaam ka Jowai (PWD) North Division na Jowai cha Shangpung.

Katkam i ong yong ka seiñ, lada ka sorkar MDA kreh ko neibynta yong ki paidbah, kani ka chnat toh u neh ko ha Jowai, neibhah wa waroh ki thaw wa haap hapoh i pait yong kani ka chnat suk deiwa em ko ha chnong Jowai hi.

Lada kani ka sorkar MDA ym toh man ko neibynta ki paidbah da sñiawthooh wa ka man ko yong ki kattu katni kiwa em hei bor iwa da pynchrai ya ka seiñ.

Ha i jooh i por seiñ da pynrem ko yei muaid bor yong kani ka sorkar, kawa ym pyrkhat de neibynta i bha i suk yong kiwa boon wa lang deiwa pyrkhat wow pynhun yaki kattu katni donhi.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Ka seiñ da pynbaad ko wa i kyrriah ya kani ka chnat toh wow pynhun ya u Local MLA yong ka 3-Raliang ym toh wow chna sarok. Ka seiñ da pynrem joor ko leh ya u MLA ka Jowai uwa da e laad wow leh ya ini heiwa iwa da em chwa hapoh ka Constituency da yoh wow rah chawi ki Constituency.

Ka seiñ da kyrpaad joor ko ya u montri ka PWD (Roads) wa kani ka chnat u neh hi ko ha Jowai lada ka sorkar kreh ko neibynta ki paidbah.

Ini toh katkam ka khubor na u General Secretary ka seiñ u Ebormi Pale.